भारतातील प्रमुख नद्यांविषयी माहिती

भारतातील प्रमुख नद्यांविषयी माहिती

  भारतातील प्रमुख नद्यांविषयी माहिती

(१) तापी नदी :--
   
-- ही पश्चिम वाहिनी नदी आहे. तिचा उगम
सातपुडा पर्वतात मुलताईजवळ होतो. ती
महाराष्ट्र, गुजरात राज्यातून वाहते आणि
अरबी समुद्रास मिळते. पूर्णा ही तापी नदीची
प्रमुख उपनदी आहे.

-------------------------------------------------
(२) गोदावरी नदी :--

-- ही भारतीय पठारावरील सर्वांत जास्त लांब
अशी नदी आहे. गोदावरी नदी सह्याद्रीमध्ये
त्र्यंबकेश्वर येथे उगम पावते. ही नदी महाराष्ट्र
आणि आंध्रप्रदेश या राज्यातून वाहते व
बंगालच्या उपसागरास मिळते. प्रवरा,मांजरा,
प्राणहिता, इंद्रावती या गोदावरीच्या उपनद्या
आहेत.
---------------------------------------------------
(३)कृष्णा नदी :--

-- ही नदी सह्याद्री पर्वतात महाबळेश्वर येथे
उगम पावते. ही नदी महाराष्ट्र,कर्नाटक आणि
आंध्रप्रदेशातून वाहत जाते व बंगालच्या
समुद्राला मिळते. भीमा, तुंगभद्रा, पंचगंगा या
कृष्णेच्या मुख्य उपनद्या आहेत.
-------------------------------------------------
(४) गंगा नदी :--

-- गंगा ही भारतातील सर्वांत जास्त लांबीची
नदी आहे. या नदीचा उगम गंगोत्री या
हिमनदीतून होतो. ही नदी उत्तरांचल,उत्तरप्रदेश
 व बिहार या राज्यांतून वाहत जाऊन बंगालच्या 
 उपसागरास मिळते.
---------------------------------------------------
(५) सिंधू नदी :--

-- भारतीय संस्कृतीचा उगम व विकास सिंधू
नदीच्या काठीच झाला. ही नदी हिमालयात
मान सरोवराजवळ उगम पावते. ती जम्मू
आणि काश्मीरमधून वाहत जाऊन पाकिस्तानात
प्रवेश करते व पुढे ती अरबी समुद्रास मिळते.